ABŞ Türkiyədəki İncirlik hərbi bazasına əlavə olaraq altı ədəd F-16 qırıcısı göndərib. Musavat.com-un məlumatına görə, bu barədə ABŞ-ın Avropadakı Hərbi Qüvvələrinin komandanlığının məlumatında deyilir.

“Türkiyənin suverenliyinə və regionda təhlükəsizliyə sarsılmaz dəstəyimizin nümayişi üçün ABŞ Hərbi Qüvvələrinin komandanlığı qərara gəlib ki, Türkiyədəki İncirlik bazasına altı F-15 qırıcısı göndərilsin”, - deyə komandanlığın facebook-dakı rəsmi akkauntunda yerləşdirilmiş xəbərində qeyd olunur.

Avropa komandanlığı həmçinin qeyd edib ki, əlavə təyyarələrin göndərilməsi Türkiyə hökumətinin Türkiyə hava məkanının suverenliyinin təhlükəsiziyini təmin etməyə kömək xahişi əsasında həyata keçirilib.