PKK terror təşkilatının həbsdə olan lideri Abdullah Öcalan HDP-nin seçkilərdə səs itirməsini və “çözüm sürəci”nin uğursuzluğunun səbəbini PKK terror təşkilatının onu dinləməməsində və HDP-nin də PKK ilə eyni siyasəti yürütməsində görür. Öcalan PKK və HDP üçün özünütənqid vaxtının çatdığını bildirib. “Siyasətləri çökdü, uğursuz oldular”.

Türkiyədə 1 noyabr seçkilərində HDP-nin seçkidə 7 iyuna görə səs itirməsindən üzülən Öcalan HDP-yə xəbərdarlıq etdiyini bildirib. “Mən, “silahların kölgəsində sülh ola bilməz” demişdim. Silahlar danışarkən barışdan, sülhdən söz edilməyəcəyini söyləmişdim. Dinləmədilər. Haqlı çıxdım”.

Onun sözlərinə görə, dövlətlə vuruşan, silaha sarılan PKK böyük itkilər verdi. Nəticədə PKK-nın yanında HDP-yə kürd xalqı səs vermədi.