Faiq Qəzənfəroğlu: “İranda Türk kimliyini aşağılamaq siyasətinin sonucu olaraq, Türk kimliyi daha da güclənməkdədir”

DİA.AZ: - İki gün öncə İran İslam Respublikasının 2-ci telekanalında yayınlanan “Fitile” uşaq verlişində türklər yenidən aşağılanıb. Belə ki, “Fitile”nin son proqramında bir hoteldə türklərlə farsdillilər arasında münaqişədən bəhs olunur. Hotel işçisi fars və hoteldə qalan bir tat burada qonaqlamaq istəyən iki türkə aşağılyacı sözlər deyiblər. Türklərin ağızından həmişə pis qoxu gəldiyini, onların vəhşi olduğunu ifadə ediblər.
DİA.AZ xəbər verir ki, fars-molla rejiminin İran İslam Respublikasındakı türklərə qarşı aşağılayıcı mövqeyinə kəskin etirazını bildirən AMEA Fəlsəfə və Hüquq İnstitutunun aparıcı elmi işçici, fəlsəfə doktoru Faiq Qəzənfəroğlu deyib ki, bu İranda türkləri aşağılamağa yönəlmiş ilk olay deyil: “İranın dövlət telekanlları, dövlət qəzetləri və jurnalları dəfələrlə Türk millətini aşağlayan ifadələrə yer veriblər. Çox təəssüfedici haldır ki, fars-molla rejimi daha çox uşaqlar üçün nəzərdə tutulmuş televiziya verlişlərində bunu həyata keçirirlər. Özəlliklə, türklərinin milli kimliyi, dili, əxlaqı, adət-ənənələri fars-molla rejiminin təhqir obyektinə çevrilib. Burada əsas məqsəd İranda Türk kimliyini assimlyasiya etmək və tamamilə aradan qaldırmaqdır”.
F.Qəzənfəroglu: “ Bu gün Güney Azərbaycandakı Türk soydaşlarmızdan aldığım bilgilərə görə, İran televizyasının xəbər bölümündə bu verilişin qapandığını deyiblər. Buna səbəb də Güney Azərbaycandan olan millət vəkillərinin, o cülmədən Təbriz icra hakimiyyətinin başçısının etiraz səslərini ucaltmaları olub. Hətta, Təbriz valisi türk millətinin təhqir edilməsinə etiraz olaraq bəyannamə yayıb. Eyni zamanda Urmiyadan olan Azərbaycan Türk millət vəkili bildirib ki, “Fitile” proqramı qapadılmadan, İranın 2-ci telekanalı Türk millətindən rəsmi şəkildə üzr istəmədən bu iş bitməyəcək”.
F.Qəzənfəroğlu bildirib ki, bu gün “İran türkləri” kimi daha çox tanınan Azərbaycan Türkləri, Qaşqay türkləri, Xorasan türkmənləri bir sözlə, əslində Turan türkləri bu əməlinə görə fars-molla rejimindən hesab tələb etməkdə haqlıdırlar. Onun sözlərinə görə, fars-molla rejiminin Azərbaycan türklərini və digər türksoylu xalqları təhqir etməyə davam etməsi təsadüfi deyildir. F.Qəzənfəroğlu: “İran farsdilliləri bu cür qeyri-insani üsullarla Türk kimliyini aradan qaldıra biləcəklərinə güman edirlər. Amma farsdilli rejimin türklərə qarşı qeyri-insani üsullara əl atması hər dəfə ciddi etirazla qarşılanır. Bu anlamda İranda Türk kimliyini aşağılamaq siyasətinin sonucu olaraq, Türk kimliyi daha da güclənməkdədir. Bunu, indiki İranın fars-molla rejimi şəraitində yaşayan on minlərlə türk soydaşlarımızın etirazlarından da görmək olar. Ola bilsin ki, bu gün onların səsi çox da duyulmur. Amma İrandakı türk soydaşlarımızın Türk kimliyinin bir gün İranda hakim kimliyə çevirəcəyinə zərrə qədər şübhəm yoxdur”.