Suriyanın hökumət qoşunları Suriya türkmənlərinin yaşadığı Lazkiyə əyalətinin Bayırbucaq rayonunun üzərinə hücuma keçib.

Avropa.info xəbər verir ki, Əsəd qüvvələri bu gün Qızıldağ bölgəsinin cənubundakı Kırıkaltı təpəsinə və Göydağ kəndinə doğru irəliləyiblər. Anadolu Agentliyi bildirir ki, bu mövqe xüsusi strateji önəm daşıyır.

Rusiya aviasiyasının Əsəd qüvvələrinə havadan dəstək verdiyi bildirilir. Bölgədəki bir çox kənd bombardmana məruz qalıb. Ölü və yaralılar var.

Göydağ kəndi və Kırıkaltı təpəsi yüksəklikdə yerləşdiyi üçün regionda xüsusi strateji əhəmiyyətə malikdir.