Türkiyə Mosulun Beşika düşərgəsindəki hərbi varlığını azaldıb.

Axar.az xəbər verir ki, bu barədə mərkəzi Şimali İraqdan yerləşən “Rudav” agentliyi məlumat yayıb.

Məlumata görə, gecə saatlarında hərbi TIR-lar Türkiyədən keçərək Kürdüstan bölgəsinə girib. Bu gün səhər saatlarında isə türk əsgərlərinin böyük bir hissəsinin çıxarılmasına başlanılıb.

Düşərgəyə gedən TIR-ların ağır texnikanı daşıyaraq Türkiyəyə gətirəcəyi bildirilir.

Qeyd edək ki, Türkiyə dekabrın 4-də Mosula hərbçilərini göndərib. Ankaranın bu qərarı İraq rəhbərliyi tərəfindən etirazla qarşılanıb.