İsraillə əlaqələrin normallaşması üçün 3 şərtin olduğunu açıqlayan prezident Ərdoğana İsraildən çox keçmədən cavab gəldi.

Avropa.info xəbər verir ki, İsrailin Xarici İşlər Nazirliyinin rəsmiləri məsələyə münasibət bildirərkən maraqlı ifadələr işlədiblər.

"Türkiyədən üzr istədik, təzminat ödəməyə də hazırıq. Ancaq Ərdoğan Qəzza blokadasının ləğv olunması ilə bağlı lağlağıya son verməlidir."

Qeyd edək ki, bu açıqlama Rəcəb Tayyib Ərdoğanın Türkmənistan səfərindən sonra təyyarədə jurnalistlərə İsraillə əlaqələrin normallaşması üçün üç şərtin olduğunu açıqlamasından dərhal sonra gəlib.

İsrailin, Ərdoğanın açıqlamasına rəsmi cavab verməkdən çəkindiyini yazan “Yediot Axronot” qəzeti XİN rəsmilərindən əldə etdiyi məlumatda Qəzza zolağı ilə bağlı blokadanın olmadığı, belə bir şey olmadığını Türkiyənin də bildiyi yazılır.

Qəzet Türkiyə-Rusiya böhranından sonra türk hökumətinin İsraillə əlaqələri normallaşdırmaq yollarını axtardığını və xüsusilə də İsrailin təbii qazına maraq göstərməyə başladığını iddia edib.