Türkiyənin bəzi cənub-şərq vilayətlərində ordu və polis xüsusi təyinatlılarının iştirakı ilə PKK terrorçularına qarşı geniş miqyaslı hərbi əməliyyat keçirilir.
APA-nın xəbərinə görə, Diyarbəkirin Sur və Silvan, Şırnakın Cizrə və Silopi, Mardinin Nusaybin rayonlarını əhatə edən xüsusi əməliyyata ağır hərbi texnika və tanklar da cəlb olunub. Əməliyyata general-mayor rütbəli zabit komandanlıq edir. Adı çəkilən rayon mərkəzlərində çoxlu sayda PKK terrorçusu mövqe tutub.

Türkiyə Silahlı Qüvvələrinin Baş Qərargahı əməliyyatın ilk günündə (16 dekabr) Silopi və Cizrədə 25 terrorçunun məhv edildiyini açıqlayıb.