Koronavirus insanlarda yeni vərdişlər yaradır. İndi küçədə yerə yıxılana kömək etməyə də çəkinirlər.

KONKRET.az xəbər verir ki, Türkiyənin Bingöl şəhərində belə hadisə baş verib. Mərkəzi küçələrin birində halı pisləşdiyindən yerə yıxılan adama heç kim köməyə cürət etməyib.

İnsanlar yerə yıxılan şəxsin minimum 2-3 metrliyində dayanıb. Hətta təcili tibbi yardım çağırmağa da tələsmirlər.

Türkiyə koronavirusun yayılma coğrafiyasına görə xüsusi seçilən ölkələrdəndir. Son 5 gündə virusa yoluxanların sayı 17 dəfə artıb. Ümumilikdə 1529 nəfərdə pandemiya aşkarlanıb. Türkiyədə koronavirusdan 37 nəfər ölüb.