Türkiyə Xalqların Demokratik Partiyasının (HDP) həmsədri Səlahəddin Demirtaş Rusiyanın paytaxtı Moskvada görüşlərə başlayıb.


Publika.az Türkiyə mediasına istinadən xəbər verir ki, Demirtaş ilk olaraq Rusiya xarici işlər naziri Sergey Lavrovla görüşüb.


HDP-nin həmsədri görüşün mətbuata açıq hissəsində “bu çətin dövrdə” Rusiya ilə olan əlaqələrə böyük əhəmiyyət verdiklərini söyləyib. HDP-nin həmsədri Rusiya təyyarəsinin vurulmasının doğru qərar olmadığını vurğulayıb.


Sergey Lavrov isə Demirtaşla Suriyadakı vəziyyəti müzakirə etmək istədiyini bildirib. Onun sözlərinə görə, Türkiyənin noyabrın 24-də Rusiyanın Su-24 təyyarəsini vurması Rusiyanın türk xalqı ilə əlaqələrinə təsir etməyib.
[media=https://www.youtube.com/watch?v=ziHH0PIFV-I]