Türkiyə xarici işlər nazirinin mətbuat katibi Tanju Bilgiç ölkəsinin Noman Çələbicihan adına yaradılan Krım-tatar batalyonuna hərbi dəstək verməsi ilə bağlı iddiaların həqiqətdən uzaq olduğunu bildirib.

Avropa.info xəbər verir ki, Tanju Bilgiç ona ünvanlanan sorğuya verdiyi yazılı cavabda Ukraynanın Xerson vilayətində yaradılan Krım tatarlarının könüllü batalyonuna hərbi dəstək verilməsi ilə bağlı münasibət bildirib:

“Bu əsassız iddialara istinadən rus tərəfinin “Rusiya bir daha kürəyindən vuruldu” tərzində verdiyi bəyanatlar son vaxtlar ölkəmizə qarşı aparılan “qara piar”ın davamıdır. Türkiyə Krımın qanunsuz ilhaqını tanımayıb, tanımayacaqdır. Krım tatarlarının hüquq və azadlıqlarının müdafiəsi istiqamətində apardığı səylərini isə qətiyyətlə davam etdirəcək”