Ukraynanın Mariupol şəhərinə ərəb və türk dilində danışan xarici diversantlar gəlib.

Publika.az “İnterfaks” agentliyinə istinadən xəbər verir ki, bu barədə “Donetsk Xalq Respublikası” (“DXR”) “müdafiə naziri”nin müavini Eduard Basurin bildirib.

Eduard Basurin onların sayının 300 nəfər olduğunu söyləyib. O, qeyd edib ki, “DXR” kəşfiyyatı bütün təmas xətti üzrə Ukrayna hərbi texnikasının möhkəmlənməsi və yerdəyişməsini müşahidə edir. “Müdafiə naziri”nin müavini təmas xəttinə son günlər əlavə olaraq 19 ədəd “Qrad” yaylım atəş sistemi, 27 qaubitsa, 13 tank və 700 nəfər hərbçinin, o cümlədən özəl hərbi şirkətdən 200 hərbçinin gətirildiyini deyib.

Basurinin sözlərinə görə, Mariupol istiqamətində “Toçka-U” operativ-taktik raketlərinin yerdəyişməsi qeydə alınıb.