Türkiyənin Silopi rayonunda ətək geyinərək vətəndaşların arasına qarışıb qaçmağa çalışan 58 PKK terrorçusu polis tərəfindən həbs olunub.

Avropa.info xəbər verir ki, Türkiyədə PKK terror təşkilatına qarşı keçirilən əməliyyatlar zamanı Silopi, Cizrə və Sur rayonlarında ümumilikdə 384 terrorçu zərərsizləşdirilib.

Ordunun baş qərargahından verilən məlumata görə Şırnak vilayətinin Silopi rayonunda 58 terrorçu ətək geyinərək qaçmaq istədikləri zaman ələ keçiblər.

Əməliyyatlar zamanı çoxlu sayda kustar üsulla hazırlanmış partlayıcı, 7 ov tüfəngi, 112 ov tüfənginin fişəngi, 2 qumbaraatan mərmisi, partlayıcı kimi hazırlanmış 4 qaz balonu, 3 əleyhqaz, 1 kompas, 1 durbin, çoxlu sayda sursat və təşkilata aid sənəd ələ keçirilib.