Türkiyənin Mardin vilayətində PKK terror təşkilatının üzvləri jandarmeriya bölməsini odlu silahlardan atəşə tutublar.

Avropa.info xəbər verir ki, PKK terrorçuları Mardinin Midyat rayonunda yerləşən bir jandarmeriya bölməsini əvvəlcə qumbaraatandan, daha sonra isə avtomat silahlardan atəşə tutublar.

Əldə olunan məlumata görə Botaş jandarmeriya bölməsi yerli vaxtla saat 23:15-də terrorçuların hücumuna məruz qalıb.

PKK terrorçularının hücumuna qarşılıq verən əsgərlərlə 20 dəqiqə ərzində atışma davam edib. Daha sonra terrorçular bölgədən uzaqlaşıblar.

Hüquq mühafizə orqanları qaçan terrorçuları həbs etmək məqsədilə əməliyyat başladıb.