İtaliya Avropa Birliyi tərəfindən qaçqın axınının dayandırılması üçün ayrılan 3 milyard avronun Türkiyəyə verilməsinə qarşı çıxır.

Avropa.info xəbər verir ki, İtaliya tərəfi bildirib ki, ayrılan pulun ancaq 1 milyardı AB büdcəsindən veriləcək, qalan 2 milyard isə üzv ölkələri öhdəliyinə düşür. Bu səbəbdən İtaliya pulun verilmə prosedurasını bloklayır.

Daha əvvəl Türkiyə baş naziri Əhməd Davudoğlu bəyan etmişdi ki, ölkəsi Ankara və Brüssel arasında qeyri-leqal miqrasiyanın dayandırılmasına dair əldə olunan razılaşmanın AB tərəfindən yerinə yetirilməsini gözləyir.

Alman kansleri Angel Merkel deyib ki, Türkiyə Avropanın miqrasiya böhranının həll edilməsində rol oynayır. Almaniya hökumətinin rəsmi nümayəndəsi Ştefan Zaybert Türkiyəyə vəd edilən 3 milyard avro təklifinin qüvvədə qaldığını bildirib.