Türkiyədə Azərbaycana qanunsuz yolla dərman satmaq istəyən 46 nəfər saxlanıldı

19-02-2021, 12:59           
Türkiyədə Azərbaycana qanunsuz yolla dərman satmaq istəyən 46 nəfər saxlanıldı
Türkiyədə mərkəzi Adana şəhəri olmaqla 11 bölgədə aparılan əməliyyat-axtarış tədbirləri nəticəsində qanunsuz dərman satışı həyata keçirən 46 nəfərdən ibarət mütəşəkkil şəbəkə ifşa edilib.

“Qafqazinfo” Türkiyə mətbuatına istinadən xəbər verir ki, sözügedən dəstənin qanunsuz dərman reseptləri yazaraq qazanc əldə etdiyi və dövlətə 12 milyon 523 min lirə zərər verdiyi müəyyənləşdirilib.

Adana Polisi Qaçaqmalçılıq və Mütəşəkkil Cinayətkarlıqla Mübarizə şöbəsinin əməliyyat qrupları tərəfindən ifşa edilən dəstə üzvlərinin narkotik vasitələrin ticarəti ilə məşğul olduğunu, həmçinin xərçəng xəstələrinin istifadə etdikləri dərmanları alaraq Azərbaycan, Suriya, İran və İraq kimi ölkələrə satmaq istədikləri müəyyənləşdirib. Onların aralarında 2 bioloq və 9 əczaçının olduğu bildirilib.

Əməliyyat tədbirləri nəticəsində aşkarlanan 9 bin 177 qutu qəbzsiz və reseptsiz dərmanların bazar dəyəri ve şübhəlilərin öz aralarında həyata keçirdiyi pul transferinin ümumi dəyərinin 12 milyon 523 min 111 lirə olduğu müəyyən edilib.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.