Istanbulun Istiqlal küçəsində baş vermiş terror aktının kim tərəfindən həyata keçrilməsi məlum olub.

Bu haqda Avropa.info-ya Türkiyədə hökumətə yaxınlığı ilə tanınan məşhur jurnalistlərdən biri məlumat verib.

Onun dediyinə görə, İstanbulda 5 nəfərin ölməsi, 37 nəfərin isə yaralanması ilə nəticələnən terror aktını PKK-nın Suriya qolu PYD törədib.

"Bu haqda artıq Türkiyə hüquq mühafizə orqanlarının əlində kifayət qədər dəlillər var. Bu haqda hökumətə də məlumat verilib. Yaxın vaxtlarda hökumət tərəfindən bununla bağlı rəsmi açıqlama veriləcək" jurnalist bildirib.

Qeyd edək ki, bu gün İstanbulun İstiqlal küçəsində terror aktı baş verib. Canlı bombanın özünü partlatması nəticəsində 5 nəfər ölüb, 37 nəfər yaralanıb.