Qazaxıstan konstitusiyasında dəyişikliklər edilə bilər.

Axar.az xəbər verir ki, bunu Prezident Nursultan Nazarbayev parlament seçkilərində səs verərkən deyib.

Prezidentin sözlərinə görə, hakimiyyət qolları arasında konstitusiyada nəzərdə tutulan bölgüyə uyğun səlahiyyətlərin həyata keçirilməsi məsələsinə yenidən baxıla bilər:

"Hakimiyyətin prezident, parlament və hökumət arasında bölgüsü istiqamətində konstitusiyaya dəyişiklikləri istisna etmirəm. Bu istiqamətdə müəyyən fikirlərimiz var”.

Nazarbayevin sözlərinə görə, dəyişikliklərlə bağlı qərar verilərkən dünyada və Qazaxıstanda baş verən proseslər nəzərə alınacaq.