Türkiyənin daxili işlər naziri Efkan Ala bildirib ki, dünən səhər İstanbulda törədilən partlayışın təşkilatçısı - terrorçu İŞİD qruplaşmasıdır.

Türkiyənin "Milliyet" qəzeti nazirin sözlərinə istinadən bird aha xatırladır ki, terrorçu-kamikadze - 1992 təvəllüdlü Qazıantep şəhərinin sakini Mehmet Öztürktür.

"Əldə etdiyimiz məlumatlar onu deməyə əsas verir ki, Mehmet Öztürk bilavasitə İŞİD qruplaşması tərəfindən yönləndirilib", - deyə Efkan Ala qeyd edib.

Martın 19-da İstanbulun İstiqlal prospektində terror aktı törədən "canlı bomba"nın Mehmet Öztürk olduğu təsdiqlənib.

APA-nın verdiyi məlumata görə, bu, bu gün tamamlanan DNA testi zamanı təsdiqini tapıb.

Qeyd edək ki, Türkiyədə polis və kəşfiyyatı İstanbulda terror aktı törədən canlı bombanın ölkədə axtarışda olan 4 İŞİD terrorçusundan biri olan Savaş Yıldız, yaxud bölgədə kameralarda görüntüsü olan 24 yaşlı Mehmet Öztürk olması ilə bağlı iki ehtimalını araşdırırdı. Mehmet Öztürk də Türkiyəd İŞİD-çi kimi axtarışda olub.

Xatırladaq ki, İstanbulda törədilən terror nəticəsində 5 nəfər ölüb, 19 nəfər yaralanıb.