Rusiya hərbçiləri Qara dənizdə türkləri tutdu
30-05-2022, 00:00
Rusiya hərbçiləri Qara dənizdə Türkiyədən gələn 12 balıqçını saxlayıb. Hadisə Rusiyanın işğalı altında olan Krım sahillərində baş verib.
Bu barədə CNN Türk məlumat yayıb.
Saytın yazdığına görə, mayın 15-də içərisində 12 balıqçı olan iki türk gəmisi Qara dənizdə Rusiya Federasiyasının müvəqqəti işğal etdiyi Krım yarımadasının sahillərinə yaxınlaşıb. Rus gəmisi onlara yaxınlaşıb və türk balıqçılar saxlanılıb.
Türkiyə vətəndaşları Sevastopola aparılıb. Onlar qayıqlarını, bütün ovlarını müsadirə ediblər və həmçinin 30 min dollar cərimə ödəməyə məcbur ediliblər.
