Qazaxıstanda körpə alveri ilə məşğul olan sayt aşkar edilib

29-06-2022, 10:33           
Qazaxıstanda körpə alveri ilə məşğul olan sayt aşkar edilib
Qazaxıstanda körpələrin alveri ilə məşğul olan internet saytı aşkar edilib.

Bu barədə Almatı Prokurorluğu xəbər yayıb.

Bildirilir ki, saytda gənc qadınlar yeni doğulan körpələrini satırlar. Bundan başqa, resursda qanundan yan keçərək uşaq övladlığa götürmək istəyənlərin də elanları tapılıb.

Alatau vilayətinin prokuroru saytın qanunsuz elan edilməsi və Qazaxıstan ərazisində fəaliyyətinə xitam verilməsi üçün məhkəməyə müraciət edib, məhkəmə ərizəni təmin edib.

“Eyni zamanda “insan alveri” maddəsi ilə bağlı yoxlama aparılması üçün materiallar hüquq-mühafizə orqanlarına göndərilib. Bu cinayət əməli əmlakı müsadirə olunmaqla 15 ilədək müddətə azadlıqdan məhrum etmə ilə cəzalandırılır”, - deyə prokurorluqdan əlavə edilib.

Mənbə: Tengrinews












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.