Türkiyənin Kahramanmaraş bölgəsində baş verən iki böyük zəlzələ nəticəsində 10 əyalətdə böyük dağıntılar baş verib. SİA xarici mətbuata istinadən xəbər verir ki, Türkiyədən və dünyadan zəlzələ qurbanlarına humanitar yardım materialları gəlməkdə davam edir. Qətər də Silahlı Qüvvələrinə məxsus hərbi nəqliyyat təyyarələri ilə zəlzələ bölgəsinə yardım materialları göndərib.

Qətər Müdafiə Nazirliyindən verilən açıqlamada qeyd olunub ki, son günlərdə Silahlı Qüvvələrə aid hərbi nəqliyyat təyyarələri ilə humanitar yardım materialları, o cümlədən tibb personalı və 4 ədəd “Aqusta” tipli helikopter Türkiyədəki zəlzələ bölgəsinə daşınıb.