Ukrayna buğdasının ikinci partiyası sentyabrın 24-də Türkiyəyə çatıb. Bu barədə AFP xəbər agentliyi məlumat verib.

Rusiya Ukraynaya gedən və ya Ukraynadan çıxan gəmilərə hücum etməklə hədələyib. Bununla belə, Ukrayna hazırda NATO üzvləri Bolqarıstan və Rumıniyanın nəzarətində olan dəniz sularını sınaqdan keçirir. Palau bayraqlı gəmi Misirə doğru gedir.

Böyük Britaniyanın Müdafiə Nazirliyi sentyabrın 24-də Rusiyanın Ukraynaya hücumu ilə bağlı gündəlik kəşfiyyat məlumatında bildirib ki, Rusiyada müştərilər "yüksək ehtimalla" yerli benzin və dizel çatışmazlıqları ilə üzləşiblər.

Nazirlik bildirib ki, Rusiya “daxili bazarı sabitləşdirmək üçün” cümə axşamı demək olar ki, bütün dizel və benzin ixracını dayandırıb. Nazirliyə görə, bu addım qlobal miqyasda tədarükləri daha da məhdudlaşdıracaq.

Çatışmazlıqların müharibənin birbaşa nəticəsi oldmadığı ehtimal edilir. Bu, kənd təsərrüfatı tələblərindəki “qısamüddətli artımlar”, neft emalı zavodlarının yaydakı texniki xidmətləri və cəlbedici ixrac qiymətləri də daxil olmaqla bir necə faktordan asılı ola bilər.

Nazirlik bildirib ki, hazırda tədarük üçün Rusiyadan asılı olan ölkələr ən çox təsirə məruz qalacaq.