ABŞ Dövlət katibi Con Kerri Türkiyədə hərbi çevrilişi təşkil etməkdə günahlandırılan Fətullah Gülənin ekstradisiyasına münasibət bildirib.

Axar.az xəbər verir ki, Türkiyədən Gülənin ekstradisiyası barədə rəsmi tələb olmadığını deyən Kerri rəsmi Ankaradan dəlil tələb edib:

“Türkiyə rəsmi qaydada tələb edərsə, onu dəyərləndirərik. ABŞ heç kimi saxlamır. Bizim Türkiyə hökumətindən yeganə istəyimiz dəlillərdir”.

Xatırladaq ki, iyulun 15-dən 16-a keçən gecə baş verən hadisələr nəticəsində 290 nəfər ölüb, 1400 nəfər isə yaralanıb. Baş vermiş hərbi çevrilişə cəhddən sonra 29 general, 2389 hərbçi həbs edilib.