Fahrettin Koca: Fələstinli xəstələrin Türkiyəyə üçüncü təxliyəsi ilə bağlı danışıqlar aparılır

22-11-2023, 07:44           
Fahrettin Koca: Fələstinli xəstələrin Türkiyəyə üçüncü təxliyəsi ilə bağlı danışıqlar aparılır
Fələstinli xəstələrin Türkiyəyə üçüncü təxliyəsi ilə bağlı İsrail, Misir və Türkiyə nümayəndələrindən ibarət koordinasiya qrupu arasında danışıqlar aparılır. Xüsusilə körpələr, uşaqlar və yaralılar üstünlük təşkil edir. Bununla bağlı razılıq əldə edilib. Hazırda əsasən uşaqlardan ibarət 50 nəfərlik siyahı üzərində iş aparılır. Təxliyə yaxın günlərdə həyata keçirilə bilər. 50 nəfərdən neçəsinin gətirilə biləcəyi, neçə nəfərin gələ biləcək vəziyyətdə olduğu müəyyənləşdirilir.
AZƏRTAC xəbər verir ki, bunu Türkiyənin səhiyyə naziri Fahrettin Koca bildirib.

İndiyədək Qəzzadan 88-i xəstə və 62-si onların ailə üzvü olmaqla, ümumilikdə, 150 nəfərin Türkiyəyə gətirildiyini xatırladan nazir, bunlardan dördünün qan, digərlərinin isə xərçəng xəstəsi olduğunu deyib.

Koca Türkiyənin gələcək təxliyələrdə dörd yaşdan aşağı, xüsusilə vaxtından əvvəl doğulan uşaqların ölkəyə gətirilməsi üzərində işlər apardığını qeyd edib.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.