Türkiyənin Milli Müdafiə naziri Yaşar Gülər bölgədə terrorla mübarizə ilə bağlı çıxışında İranın PKK terrorçularına münasibətdə ikili davranışına reaksiya verib.

"Azad İran" teleqram kanalı xəbər verir ki, Yaşar Gülər deyib: "Biz İran sərhədində terrorçularla vuruşuruq, sərhədi keçirlər, iranlı dostlarımıza deyirik, baxın, qardaşım bu nöqtəni keçiblər, dronla onları izləyirik..

İranlı dostlarımız isə cavab verirlər ki, biz əraziyə nəzarət edirik, orada terrorçu yoxdur. Bu, yaxşı yanaşma deyil. Biz burada iranlı dostlarımızla görüşürük. Hər dəfə buna müsbət yanaşırlar, amma nəticə əldə etmirik".