Türkiyənin şimal-şərqində yerləşən Ordu vilayəti bu gün bütün dünyanın diqqətini çəkib. Belə ki, yerli kulinariya ustalarından olan Celal Karaarslan və onun peşəkar komandası tərəfindən hazırlanan 1 301 çeşid dondurma 125 metrlik nəhəng bir masada nümayiş etdirilərək "Ginnesin Rekordlar Kitabı"na düşüb.

Oxu.Az-ın verdiyi məlumata görə, bu barədə "Hürriyet" xəbər yayıb.

Yerli məhsulların zənginliyindən ilhamlanaraq yaradılan bu unikal dondurma kolleksiyasında balıq, kələm, fındıq və digər qeyri-adi təamlardan istifadə edilib.

Dondurmalar "Ginnesin Rekordlar Kitabı"nın Türkiyə üzrə nümayəndəsi Şeyda Subaşı Gemici və həmkarları tərəfindən yoxlanılıb.