Azad Suriya Ordusu bizim dəstəyimizlə Əl Baba yaxınlaşıb. Qısa zamanda buradakı əməliyyatların tamamlanması gözlənilir.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu deyib.

“Əl Bab əməliyyatının qısa zaman ərzində tamamlanmasını gözləyirik. Mütəxəssislərimizi amerikalılarla birgə Menbicə göndərdik. Orada araşdırma aparırlar. YPG-nin Fərat çayının şərqinə keçdiyinə əmin olana qədər bu əməliyyatlar davam edəcək”, - Çavuşoğlu bildirib.

Qeyd edək ki, Rusiyanın “Sputnik” agentliyi ASO ilə türk ordusunun birgə Əl Baba daxil olması barədə məlumat yayıb.