Bir neçə gün əvvəl Türkiyədə Milliyətçi Hərəkat Partiyasındakı sədr müavini postundan istefa verən Attila Kaya tvitter hesabında susqunluğu pozub. Onun bugünkü paylaşımı böyük diqqət cəlb edib.

Xəbər365 bildirir ki, o, sosial şəbəkədə “Demokratik ölkələrdə iqtidarı tənqid etmək üçün sahib olmalı olduğumuz şey cəsarət deyil, vicdandır” deyə yazıb.

Qeyd edək ki, Atilla Kaya yazılı açıqlamasında MHP lideri Dövlət Bağçalının parlamentdə və referendumda Türkiyədə prezident üsul-idarəsinə keçidi nəzərdə tutan Konstitusiyaya dəyişikliklərə səs verəcəyini bəyan edəndən sonra istefa qərarı verdiyini bildirmişdi.