Türkiyənin nəqliyyat, dənizçilik və kommunikasiya, naziri Əhməd Arslan Ermənistanla sərhədləri açmaq üçün şərtini deyib.

Missiya.Az xəbər verir ki, nazir bu barədə Qars şəhərində iştirak etdiyi bir tədbirdə danışıb.

Nazir Arslan bunun üçün Ermənistana Azərbaycanla münasibətlərini düzəltməyi və Türkiyənin tələblərini yerinə yetirməyi məsləhət görüb. Əhməd Arslan bildirib ki, bu olacağı təqdirdə Ermənistan Türkiyə üzərindən Avropaya qapılarını aça biləcək.

"Əgər biz Azərbaycanla bir millət iki dövlət isək, Ermənistan Dağlıq Qarabağ və işğal edilmiş ətraf rayonardan çəkilməli, Azərbaycan torpaqları Azərbaycana qaytarılmalı və bütün qaçqınlar öz torpaqlarına qayıtmalıdır. Bu şərtlərlə bizim təklifimiz sizə açıq olacaqdır. Siz öhdəliyinizi yerinə yetirin, biz də Qarsın şərqini sizə dalan etməyək. Ermənistan da Türkiyə üzərindən Avropaya daha rahat getsin." - deyə türk nazir bildirib.

Anadolu Agentliyi