Türkiyədə aprelin 16-da keçrilən Konstitusiya dəyişiklikləri ilə bağlı keçirilən referendumun nəticələri ana müxalifət partiyası olan CHP tərəfindən tanınmayacaq.


Bu barədə CHP sədri Kamal Kılıcdaroğlu rəsmi "Twitter" səhifəsində açıqlama yayıb.

“Fözvqəladə vəziyyət rejimində, təzyiqlərə rəğmən millətimiz seçkiyə gedib ölkəsinin gələcəyinə sahib çıxıb. Buna görə hər kəsə təşəkkür edirəm. 16 apreldə hökümət və YSK (Yüksək Seçim Kurulu) əlbir olaraq milli iradəyə zərbə vurublar. Biz hər bir səsin arxasına düşərək bütün qanunsuzluqların hesabını soruşacağıq! Ədalət bərpa olunana qədər dayanmayacağıq! Tarixin "möhürsüz seçki" olaraq yazacağı bu seçkini tanımırıq, tanımayacağıq! Xalqın iradəsinə sayğı duyulmalı və təkrar seçki keçirilməlidir!" - deyə CHP lideri bildirib.

Qeyd edək ki, son rəqəmlərə görə, Türkiyədə seciclərin 51,08 faizi dəyişiklərə müsbət səs verib. Müxalifət isə seçki gedə-gedə YSK-nın möhürsüz zərflərin də sayılması ilə bağlı qərarının nəticələrə birbaşa təsir etdiyini və qanunsuz olduğunu bəyan edir. ("Qaynar")