Mütəxəssislər üzərində antik heroqlifiklər olan və Türkiyədə yerləşən 3200 illik yazının sirrini açıb.

Moderator.az türk mediasına istinadən xəbər verir ki,1878-ci ildə tapılan antik yazının Aralıq Dənizi arxeologiyasının ən böyük tapıntılarından biri olacağını güman edilir.

Fransız arxeoloqu Corc Perrot tapdığı əhəng daşını bir məscidin inşasına material kimi istifadə etməzdən əvvəl üzərindəki antik yazılanların fotosunu çəkib. Bürünc dövrdən qalan ən uzun heroqlifik olduğu bildirilən qədim yazı dünyada yalnız bir neçə nəfər tərəfindən oxunan antik Luvi dilindədir.

Antik mətndə Kiçik Asiyadakı krallıqların bir donanma quraraq Şərqi Aralıq Dənizdəki sahil şəhərlərini necə fəth etdikləri bildirilir.

Mətnin tam versiyası 2017-ci ilin dekabr ayında “Historical Society” adlı elmi jurnalda yer alacaq.