Türkiyənin Adana şəhərinin Polis Şöbəsinin yaxınlığında güclü partlayış baş verib.

Axar.az xəbər verir ki, partlayış səsi şəhərin bir neçə bölgəsində eşidilib və əhalini ciddi təşvişə salıb.

Əraziyə xeyli sayda polis və təcili tibbi yardım briqadaları cəlb edilib.

Hadisə nəticəsində ölən, yaxud yaralananların olmadığı bildirilib.

***

Partlayışın səs bombasından qaynaqlandığı bildirilib.

Məlumata görə, maskalı şəxsin küçəyə daxil olmasından sonra partlayış baş verib. Belə ki, işıq dirəyinin yanına qoyulan səs bombası işə düşüb.

Adana Təhlükəsizlik İdarəsinin rəhbəri Səlami Yıldız hadisə yerindədir və olayla bağlı ətraflı məlumat alıb.

“Hər şey nəzarətdədir. Səs bombası partlayıb. Araşdırmalar davam edir”, - deyə Yıldız bildirib.