"Tarix ABŞ və İsraili bağışlamayacaq, biz bunun şahidi olacağıq".

"Report" "Anadolu" agentliyinə istinadən xəbər verir ki, bu sözləri Türkiyə prezidenti Rəcəb Tayyib Ərdoğan Böyük Britaniyanın baş naziri Tereza Meylə Londonda birgə keçirdiyi mətbuat konfransında deyib.

O, həmçinin qeyd edib ki, İslam Əməkdaşlıq Təşkilatının İstanbulda Fələstinə dair qarşıdakı sammiti bütün dünya üçün ciddi siqnal olacaq. Türkiyə lideri bundan başqa beynəlxalq ictimaiyyəti və BMT-ni dərhal hərəkətə keçməyə və Fələstində zorakılıqlara son qoymağa çağırıb.

Ərdoğan həmçinin müasir dünyada "güclünün hüququndan" istifadənin yolverilməzliyini vurğulayıb.