Kayseridə 11 nəfər həbs edilib. Həbs edilənlər arasında nüfuzlu iş adamları da var .
Sentyabrın 16-da səhər saatlarında başlanan əməliyyatda polis öncədən müəyyən etdiyi “paralel yapı” üzvlərinin iş yerlərində və mənzillərində axtarış aparıb. Həbs edilənlərdən biri
14 min işçisi olan Boydak Holdinq-in rəhbəri, eyni zamanda TÜSİAD İdarə Heyətinin üzvü Memduh Boydakdır.
TÜSİAD-ın bu haqda açıqlamasına prosesin iş dünyasına ziyan vurduğu bildirilir: “Bir müddətdir iş dünyasını ağır ittihamlarla rahatsız edən bu atmosferə diqqət çəkərək bu durum dəyişməsinin vacib olduğunu bildiririk”.
Memduh Boydak eyni zamanda Melikşah Üniversiteti rəhbərliyində təmsil olunur. Səhər saatlarında universitetə gələn polislər orada axtarış aparıb və rəhbər heyətdən daha 3 nəfəri həbs edib.
Həbs edilən 11 nəfər Kayseri xəstəxanasında müayinə edildikdən sonra polis idarəsinin müvəqqəti saxlama təcridxanasına göndərilib. “Hürriyet” yazır ki, əməliyyat daha da genişlənə bilər. Haqqında həbs tədbiri seçilməsi haqqında hüquq-mühafizə orqanlarındakı mənbələrdən xəbər alan 2 iş adamı isə əməliyyatdan bir neçə saat öncə Türkiyədən qaçıb.
Diqqət çəkən faktdır ki, Memduh Boydakın həbs xəbəri yayılandan az sonra Cümhuriyyət Xalq Partiyasının sədri Kemal Kılıçdaroğlu Boydak Holdinq-in İdarə Heyəti sədrinin müavini Mustafa Boydaka “keçmiş olsun” zəngi edib (musavat.com).