Eastnews.org-un verdiyi xəbərə görə, Şimali Koreya prezidenti Kim Çen Inın bacısı qardaşının bu il prezident Donald Tramp ilə görüşməyəcəyini söyləyib.

Şimali Koreyanın rəsmi xəbər agentliyi Şimali Koreya prezidentinin bacısına istinadən bildirib ki, belə bir görüş yalnız ABŞ-a xeyir verəcək.

Bundan əvvəl Şimali Koreyanın xarici işlər nazirinin birinci müavini Çou Son Hui Vaşinqtonun Pxenyana qarşı düşmən siyasətindən imtina etməyəcəyi təqdirdə ölkəsinin ABŞ ilə nüvə danışıqlarını davam etdirmək planlarının olmadığını deyib.

Ötən gün Ağ Evin sabiq Milli Təhlükəsizlik Müşaviri Con Bolton jurnalistlərə bildirib ki, Trampın noyabrda seçkidən öncə Kim Çen Inla daha bir görüşü ola bilər.