Gəncədə mülki əhaliyə davamlı olaraq atəş zərbələri endirən düşmən bununla bir neçə məqsədə nail olmaq istəyir....

17-10-2020, 09:42           
Gəncədə  mülki əhaliyə  davamlı olaraq atəş zərbələri endirən düşmən bununla bir neçə məqsədə nail olmaq istəyir....
Xilaskar Azərbaycan ordusunun torpaqlarımızın terrorçulardan təmizlənməsi uğrunda Qarabağda apardığı savaş 20 gündür ki, uğurla davam edir. Döyüşlərdə məğlub olan mənfur düşmən yenə də Gəncəni raket atəşinə tuturlar. Bu dəfə də raket zərbələr evlərində yatan dinc sakinləri hədəfə aldı. Bu gecə ikisi uşaq olmaqla 13 nəfəf həlak oldu, 40-dan çox yaralandı.
Teref.az yazır ki, bunu ADR sədri Qubad İbadoğlu deyir.Daha sonra Qubad bəy deyir:

Allah ölənlərə rəhmət etsin. yaralananlara şəfa versin, rəşadətli ordumuza da güc versin ki, ermənilərə Gəncənin bədəlini yeni əraziləri işğaldan azad etməklə tezliklə ödətdirsinlər, elə bu gün!
Hesab edirəm ki, Gəncədə mülki əhaliyə davamlı olaraq atəş zərbələri endirən düşmən bununla bir neçə məqsədə nail olmaq istəyir.
1. Qarabağdakı hərbi əməliyyatlardakı uğursuzluğundan ictimai diqqəti yayındırmaq məqsədi daşıyır. Qarabağdakı mövqeləri hər gün zəifləyən ermənilər nəinki ordan qaçır, həm də yeniləri müharibəyə getməkdən boyun qaçırırlar.
2. Azərbaycanı təxribata çəkmək və Ermənistana ərazisinə cavab atəşi açmağa məcbur etmək istəyir. Gəncəyə raketlər Vardenisi rayonundan atılır.
3. Azərbaycan əhalisi, xüsusilə də Gəncə sakinləri arasında təlaş yaratmaq, onları təşvişdə və qorxu içində saxlamaq, cəmiyyətdə ruh düşgünlüyünə nail olmaq.
Birinci məqsədə nail olan ermənilər, ikinci və üçüncü məqsədlərinə heç vaxt çata bilməyəcəklər. Qalibiyyət yürüşünü davam etdirən Azərbaycan ordusu hər gün ölkə vətəndaşlarını sevindirməkdə davam edəcək. Əhaliyə gəlincə, xalq və ordu birliyi, arxa cəbhənin ön cəbhəyə dayaq olması getdikcə milli ruhu və döyüş əzmini daha da yüksəldəcək.
Lakin, bütün bunlarla yanaşı xalqımızın apardığı ədalət mübarizəsinə dəstək olmaq və ordumuzun zəfər yürüşünü daha tez başa çatdırması üçün aşağıdakılara ehtiyac yaranıb:
1. Türkiyənin siyasi dəstəyini təkrar nümayiş etdirməsi üçün Cümhurbaşkanı Rəcəb Teyyub Ərdoğanın bu günlərdə Bakıya rəsmi səfərinə və prezident İlham Əliyevlə birgə bəyanatla çıxış etməsinə;
2. Ordumuzun maddi texniki imkanlarının yüksək səviyyədə saxlanılması üçün Azərbaycanın tanınmış, həm sabiq və həm də hazırkı məmur-oliqarxlarının silahlı qüvvələrə yardım fonduna iri məbləğlərdə ianələrinə;
3. Xalq-ordu-hakimiyyət birliyinin möhkəmləndirilməsi üçün prezident İlham Əliyevin əsas müxalifət partiyası liderləri ilə həmrəylik görüşünə və Qarabağ yürüşündə iştirakda ittiham olunaraq həbs edilənlərin hamısının azad edilməsinə;
4. Milli Məclisin və Ombudsman İnstitutunun fəaliyyətini aktivləşdirməyə, mətbuatın. xüsusilə də televiziya kanallarının işini yenidən qurmağa, tanınmış ziyalıların və alimlərin informasiya təbliğatına qoşulmasına və açıq mövqe nümayiş etdirməsinə;
5. Qarabağın bərpa planının hazırlanmasına, bununla əlaqədar olaraq prezidentin sərəncamla Nazirlər Kabinetinə tapşırıq verməsinə:
6. Xalqın orduya maddi və mənəvi dəstəyinin daha da artırılmasına.
Hər kəsin nəzəri-diqqəti müzəffər ordumuzun qalib əsgərlərinin və onların ailələrinin üzərindən əskik olmamalıdır. Öncə vətəndir!
Teref.azшаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.