"Barselona"nın müdafiəçisi Jerar Pike Çempionlar Liqasının 1/4 final mərhələsində "Bavariya" ilə keçirilən oyunu dəyərləndirib.

Apasport.az saytının məlumatına görə, ulduz futbolçu 2:8 hesablı məğlubiyyətə görə utandığını söyləyib.

İspaniya millisinin sabiq üzvü artıq dəyişiklik zamanının yetişdiyini deyib: "Utanıram. Birinci dəfə deyil ki, bu halla üzləşirik. Artıq dəyişikliyə ehtiyac var. Bunu məşqçi və ya futbolçu heyəti ilə əlaqələndirmirəm. Köklü dəyişiklik ediləcəksə, hətta mən özüm də kənara çəkilməyə hazıram".

Qeyd edək ki, "Barselona" 2019/20 mövsümünü titulsuz başa vurub.