Azərbaycanda polis əməkdaşı bıçaqlanıb - TƏFƏRRÜAT - FOTO
30-05-2020, 20:38
Hadisə bu gün rayonun Qaradəmirçi kəndində baş verib.
Bərdə Rayon Polis Şöbəsinin əməkdaşı 1985-ci il təvəllüdlü Məmmədov Eşqin Rəhbər oğlu bıçaqlanıb. Onunla birgə bir qadın da bıçaq xəsarətləri alıb.
YPX.AZ-ın Qarabağ üzrə bölgə müxbirinin bildirdiyinə görə, polis əməkdaşının bıçaqlanmasının təfərrüatları məlum olub. Rayon sakini Elçin Cəfərov bacısı Vüsalə Cəfərovanı münaqişə zəminində bıçaqlayıb. Bu zaman polis əməkdaşları müdaxilə edib və Elçin Cəfərov polis Eşqin Məmmədovu da bıçaqlayıb.
Münaqişə zamanı Vüsalə Cəfərovanın azyaşlı qızı da xəsarət alıb. Elçin Cəfərov bacısını vurmaq istəyərkən azyaşlı Fatimənin qulağına bıçaq zərbəsi dəyib və onun qulağı kəsilib.
Qeyd edək ki, Vüsalə Cəfərovanın 3 il əvvəl boşandığı bildirilir.
Faktla bağlı araşdırma aparılır.
