Ermənistanın “Su-25” qırıcısının pilotunun görüntüləri yayıldı - VİDEO

1-10-2020, 10:13           
Ermənistanın “Su-25” qırıcısının pilotunun görüntüləri yayıldı - VİDEO
Ermənistan Silahlı Qüvvələrinə məxsus "Su-25" qırıcısının pilotunun katapult edərkən görüntüləri yayılıb.

“Yeni Sabah” xəbər verir ki, bu barədə Türkiyənin "A haber” kanalının bölgədəki müxbiri reportaj hazırlayıb.

Videoda paraşütlə havadan yerə enən hərbçinin görüntüləri əks olunub.

Qeyd edək ki, Azərbaycan Respublikasının Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevin bildirdiyinə görə, sentyabrın 29-da Ermənistanın ərazisində iki “Su-25” tipli təyyarə havaya qalxıb:

“Hər iki təyyarə dağa dəyərək partlayıb və məhv olub. Bu da onu göstərir ki, Ermənistanın hərbi rəhbərliyi öz vətəndaşlarına, ictimaiyyətinə düzgün məlumat vermir. Yaxşı olardı ki, Ermənistanın hərbi rəhbərliyi ikinci təyyarə və onun pilotu barədə də məlumat verərdi, nəinki başqa hansısa tərəfləri ittiham edərdi.

Ermənistanın guya münaqişədə üçüncü tərəfin iştirak etməsi barədə açıqlamaları tamamilə cəfəngdir və bunun heç bir əsası yoxdur. Bu, Ermənistanın diqqəti özünün təcavüzkar siyasətindən yayındırmaq cəhdlərindən başqa bir şey deyil. Ona görə də Ermənistanın ərazisindən iki ədəd “Su-25” təyyarəsini hansı məqsədlə qalxması və hansı şəraitdə dağa çırpılaraq partlaması, pilotların həlak olması məsələsini araşdıraraq Ermənistan ictimaiyyətinə məlumat vermələrini tövsiyə edirik”.

https://yenisabah.az/ermenistanin-su-25-qiricisinin-pilotunun-goruntuleri-yayildi-videoшаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.