“Müharibənin əsl məqsədi öldürmək yox, öldürmək yoluyla sındırmaqdır”

23-10-2020, 21:54           
“Müharibənin əsl məqsədi öldürmək yox, öldürmək yoluyla sındırmaqdır”
“Azərbaycan yekun sülh protokolunda Ermənistanı bir də heç vaxt dikələ bilməyəcəyi qədər sıxmalı, boynuna hərbi-siyasi təminatlar, ağır təzminatlar və s. qoymağa çalışmalıdır”.



Pravda.az xəbər verir ki, bunu filosof Ağalar Qut (Məmmədov) deyib.



Filosof Ermənistan-Azərbaycan münaqişəsi ətrafındakı situasiyaya diqqət çəkib:



“Hegel müharibəni xarakterizə edərkən ağa-nökər dialektikasından çıxış edərək yazır ki, müharibənin məqsədi öldürmək yox, təslim etməkdir, daha doğrusu, qarşı tərəfin təslim etirafını eşitməkdir. Ağa olmaq üçün nökərə ehtiyac var, qalib olmaq üçün məğlubiyyətini boynuna alana ehtiyac var. Yəni müharibənin əsl məqsədi öldürmək yox, öldürmək yoluyla sındırmaqdır. Görünür, bu səbəbdən Asif Ata qatillə hərbçini ayırd edib deyirdi ki, erməni qatildir, biz hərbçi.



Azərbaycanın gördüyü iş məhz budur, Ordumuzun ən ali məqsədi adam öldürmək deyil. Azərbaycan ermənilərin paytaxtına qədər gedərək, onları hərfi mənada diz çökdürə bilərdi. Yəni klassik müharibə qanununu tamamilə yerinə yetirə bilərdi. Etməli idi də. Lakin müharibə meydanında ermənilərlə təkbətək qalıb qələbə qazansaq da yekun razılaşmada Ermənistanı yəqin ki, tək qoymayacaqlar. Başda da Rusiya olmaqla. Nəticədə Qafqazda yenə də bir erməni çibanının irini qalmış olacaq. Bu səbəbdən də Azərbaycan yekun sülh protokolunda Ermənistanı bir də heç vaxt dikələ bilməyəcəyi qədər sıxmalı, boynuna hərbi-siyasi təminatlar, ağır təzminatlar və s. qoymağa çalışmalıdır”.



Ağalar Qut Azərbaycanın öz qarşısında bir neçə imkan açdığını bildirib: “Belə ki, İrəvan xanlığı və Zəngəzur mahalını müzakirəyə çıxarmağın tam vaxtıdır. İndiki halda Zəngəzura ordu ilə girmək tələ də ola bilər, tarixi fürsət də. Böyük ehtimal tələdir. Amma əgər Zəngəzura ordu ilə girilməyəcəksə, onda sülh danışıqlarında bu məsələlər heç olmasa ortaya gətirilməli, tələb kimi qoyulmalıdır.



Azərbaycan diplomatiyası dirəşməlidir. 1991-ci ildə Nüvədi kəndinin Ermənistana birləşdirilməsi, 1984-cü ildə Qazax tərəfdən 2 min hektara yaxın torpağımızın ermənilərə verilməsi kimi məsələlər də var hələ. Azərbaycan diplomatiyası bütün bu tələbləri necə arqumentləşdirəcək? Bu mövzuda yaxın tarixi və beynəlxaq hüququ yaxşı bilən dostlarımız baş sındırmalı və dövlət rəhbərliyimizə öz təkliflərini indidən çatdırmalıdırlar”.шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.