Bu günə qədər əsasən cənub sərhədlərimizdən ölkəmizə daxil olanlar üçün koronavirus karantini nəzərdə tutulurdu. Son vaxtlar Rusiyada və Türkiyədə də koronavirus yoluxmalarının sayının artması rəsmi Bakını şimal və şimal-qərb sərhədlərimizdə də eyni tədbirləri həyata keçirməyə vadar edir.

Ovqat.com-un Sınıq körpü yaxınlığında yerləşən Şıxlı kənd sakinlərindən aldığı məlumata görə, artıq bu ərazilərdə də karantin məqsədilə çadır şəhərciklər salınır.

İddialara görə, növbəti həftənin ilk günündən etibarən şimal və şimal-qərb sərhədlərimizdən ölkəmizə daxil olan şəxslər də 14 günlüyünə bu çadırlarda karantin altına alınacaqlar.