2026-cı ildə keçiriləcək dünya çempionatının seçmə mərhələsi çərçivəsində daha bir görüş başa çatıb.

Oxu.Az xəbər verir ki, Budapeştdəki Puşkaş Arenada Macarıstan millsi Portuqaliya seçməsini qəbul edib.

Oyunda hesabı 21-ci dəqiqədə Varqanın qolu ilə meydan sahibləri açsalar da, sonda sevinən tərəf qonaqlar olub.

36-cı dəqiqədə Silva dəqiq zərbə ilə hesabı bərabərləşdirib. 56-cı dəqiqədə Kriştianu Ronaldu penaltidən fərqlənərək komandasını önə çıxarıb. Bununla da, 40 yaşlı futbolçu dünya çempionatının seçmə oyunlarında qol sayına görə mövcud rekordu təkrarlayıb. O, 39-cu qolunu vuraraq qvatemalalı Karlos Ruizə çatıb.

84-cü dəqiqədə Varqa dubla imza atmaqla hesabda tarazlıq yaratsa da, 2 dəqiqə sonra Konselo Portuqaliyaya 3 xalı qazandıran qolu vurub - 2:3.

Bu qələbə sayəsində Priney təmsilçisi 6 xalla F qrupunda liderdir. Macarıstan isə cəmi 1 xalla üçüncü pillədə qərarlaşıb.