Bilindiyi kimi, koronavirus infeksiyası böyüklərdə əsasən boğaz ağrısı, temperatur, nəfəs almaqda çətinlik və qoxu hissini itirmək kimi əlamətlər ilə müşahidə olunur. Uşaqlarda isə koronavirusun əsas əlamətləri arasında ishal da yer alır.
Yeniavaz.com Rusiya mətbuatına istinadən bildirir ki, bu barədə məlumatı “Rospotrebnadzor”un (İstehlakçı hüquqlarının müdafiəsi üzrə Federal Xidmət) tabeçiliyində fəaliyyət göstərən Mərkəzi Tədqiqat Epidemiologiya İnstitutunun rəhbəri Tatyana Rujençova açıqlayıb.
Tatyana Rujençova bildirib ki, ishal koronavirus infeksiyasının əlamətlərindən biridir: “Ancaq ishal bütün xəstələrdə müşahidə olunmur. Xəstə uşaqlar arasında isə bu, çox tez-tez müşahidə olunur".