"Həm rayonda, həm də Bakıda şəxsi mənzili olanları paytaxtdan buraxmamaq yanlış qərardı. Bəlkə sərtləşdirilmiş karantin sentyabra qədər uzanacaq..."

Dominant.az xəbər verir ki, bunu iqtisadçı-ekspert Rövşən Ağayev bildirib.

Ekspertin fikrincə, insanların rayonlara getməsinə icazə verilməlidir: "Ölkənin coğrafi baxımdan təxmnən, 5%-ni təşkil edən Abşeron yarımadası əhalinin az qala 40%-ni ev sahibliyi edir. İmkan vermək lazımdır, bir az boşalsın. Xüsusən tələbə-şagird övladları olan insanların imtahanlar bitdikdən sonra, ən azı 2 aylıq tətili əyalətlərində keçirmələrinə şərait yaratmaq lazımdır".

R.Ağayev onu da qeyd edib ki, hətta lazımdırsa, bunun üçün də elektron qeydiyyat sistemi qurulmalıdır: "Bakını tərk edən insanlar elektron icazə aldığı gündən, ən azı 30 gün müddətində geri qayıtmayacağına razı olmaq şərtilə elektron portalda qeydiyyata düşübsə, niyə Bakıdan buraxılmasınlar?"