"Ölkənin səhiyyə sisteminə məsul orqanların 2020-ci ildəki demoqrafik vəziyyətlə bağlı cəmiyyət üçün hesabat hazırlayıb təqdim etməsi son dərəcə vacibdir. Müharibədə itkilərimizi nəzərə almasaq belə, 2020-ci ildə ölkədə ölümlərin sayı 30% artıb. Müharibə itkiləri nəzərə alındıqda, artım 35% olub".

Cebhe.info xəbər verir ki, bunu iqtisadçı-ekspert Rövşən Ağayev deyib. R.Ağayev bildirib ki, son 25 ili araşdırıb, bu dövrdə 11 il ərzində ölüm sayı özündən əvvəlki ilə nisbətən azalıb, 14 ildə isə artıb:

"Lakin bu artımların ən yüksək səviyyəsi heç vaxt 5%-i ötməyib (2003-cü ildə). Yerdə qalan illərdə artım dinamikası maksumum 2-2.5% intervalında dəyişib. İndiki 30%-lik son dərəcə kəskin artımdır və rəsmi izah tələb edir".

Ekspert bu statistika ilə bağlı bir vacib məqımı da deyib: "Son 3-4 ildə 65 yaşdan aşağı vəfat edən əhalinin ümumi ölümlərdə payı 40-41% aralığında dəyişsə də, 2020-ci ildə 42.6%-ə yüksəlib. Bu isə cavan əmsalının daha da yüksəldiyini göstərir".