6 may 1905-ci il...
Silahlı erməni quldurları Naxçıvan ərazisində azərbaycanlılara qarşı dəhşətli qırğın həyata keçirirlər.

6 may 1989-cu il...
SSRİ Nazirlər Sovetinin qərarı ilə DQMV-dakı idarə və müəssisələr Azərbaycan SSR-in tabeliyindən çıxarılır. Vilayət ərazisində bununla da azərbaycanlıların yaşadıqları məntəqələrin ermənilər tərəfindən blokadasına imkan yaranır.

6 may 1991-ci il...
Erməni terrorçuları tərəfindən törədilən partlayış nəticəsində Kolonyurd vağzalında 12 azərbaycanlı öldürülür.

6 may 1991-ci il...
Ağdam-Şuşa marşrutu ilə hərəkət edən sərnişin avtobusuna ermənilər tərəfindən raket mərmiləri atılır.

6 may 1992-ci il...
Füzuli rayonunun Qacar və Divanalılar kəndləri ermənilər tərəfindən zirehli maşınlardan, Füzuli şəhəri isə toplardan atəşə tutulur. Ölən və yaralananlar olur.Rayonun Qacar, Divanalılar, Hoğa (Üçbulaq) kəndlərinin ərazilərinə erməni yaraqlılarının basqını nəticəsində 2 nəfər azərbaycanlı həlak olur, 5 nəfər isə yaralanır.

6 may 1992-ci il...
Naxçıvanın Sədərək qəsəbəsi, eləcə də Havus, Günnüt, Yuxarı Yaycı kəndləri erməni yaraqlılarının basqınına məruz qalır. Baş verən döyüşlərdə 3 nəfər (Asəf Əbülfəz oğlu Həsənəliyev və daha iki nəfər) həlak olur, 45 nəfər yaralanır.

6 may 1993-cü il...
Füzuli rayonunun ermənilərlə həmsərhəd olan kəndləri ermənilər tərəfindən atəşə tutulur. Ölən və yaralananlar olur...

6 may 1993-cü il...
Qubadlı, Goranboy, Zəngilan və Ağdam rayonlarının əraziləri ermənilər tərəfindən atəşə məruz qalır.
Cəmil Məmmədli
Teref.az