Azərbaycanla Ermənistan arasında Xudavəng monastırını zəvvarların ziyarət etməsi ilə bağlı danışıqlar davam edir.

Modern.az Ermənistan KİV-nə istinadən xəbər verir ki, erməni kilsəsinin yepiskopu Vrtanes Abramyan Xudavəng monastırına zəvvarların buraxılması üçün Xankəndidəki rus sülhməramlılarının vasitəçiliyi ilə rəsmi Bakıya təklif verdiklərini deyib.

“Xudavəng monastırı ilə bağlı danışıqlar bərpa olunub. Azərbaycanlılara onların Ağdaban kəndindən olan məşhur aşıq - Aşıq Şəmşirin məzarını müntəzəm ziyarət etmək təklif olunur”-deyə Vrtanes Abramyan söyləyib.

Xatırladaq ki, Kəlbəcərin Ağdaban kəndi keçmiş Dağlıq Qarabağ Muxtar Vilayətinin ərazisinə düşdüyü üçün sülhməramlıların nəzarəti altında olan zonaya düşüb.