Bu ay benzinin dünya üzrə orta qiyməti 1,33 ABŞ dolları olub.

SİA xəbər verir ki, bu barədə "UNİAN" məlumat yayıb.

Ən aşağı qiymətlər Venesuela (0,01 dollar), İran (0,14 dollar), Küveyt (0,35 dollar), Nigeriya (0,41 dollar) və Misirdə (0,43 dollar) qeydə alınıb. Sonrakı yerdə Malayziya (0,53 dollar), Səudiyyə Ərəbistanı (0,54 dollar), BƏƏ (0,59 dollar), Rusiya (0,66 dollar) və Pakistan (0,69 dollar) gəlir.

Benzinin ən yüksək qiyməti olan ölkələrin siyahısına İsveçrə (1,59 dollar), Fransa (1,61 dollar), Portuqaliya (1,61 dollar), İsveç (1,62 dollar), Finlandiya (1,63 dollar) daxildir. Onlardan sonra İsrail (1,66 dollar), Danimarka (1,7 dollar), Hollandiya (1,71 dollar), Yunanıstan (1,72 dollar), İtaliya (1,74 dollar) və Norveç (1,82 dollar) gəlir.

Araşdırma 61 ölkəni əhatə etsə də, Ukrayna bura daxil edilməyib. Ukrayna yanacaqdoldurma məntəqələrində A-95 markalı benzinin 1 litrinin orta qiyməti 1,2 dollar civarında dəyişir.