Yeni peyk görüntüləri göstərir ki, Rusiyanın “Matros Pozınıç” yük gəmisi, ehtimal ki, işğal olunmuş ərazilərdəki Ukrayna təsərrüfatlarından oğurlanmış taxılla Suriyanın Latakiya limanına gəlib. Qeyd olunur ki, bu, Rusiya gəmisinin dörd həftə ərzində ikinci səfəridir.

Moderator.az Ukrayna mediasına istinadla xəbər verir ki, "CNN"-in yaydığı məlumata görə, "Maxar Technologies" tərəfindən təqdim edilən yeni görüntülər "Matros Pozınıç"in mayın 27-də Latakiyaya gəldiyini göstərir. Bu, Rusiyanın Ukraynaya təcavüzündən sonra Sevastopol limanında taxıl yükləyən üç gəmidən biridir. O, sonuncu dəfə mayın 19-da Sevastopolda görülüb. Daha sonra Bosfor boğazından keçib və daha da cənubda Türkiyə sahilləri boyunca üzüb . Gəmi təxminən 30 min ton taxıl daşıya bilir.

Digər oxşar gəmi də son iki həftə ərzində Sevastopolda taxılla yüklənib...

Sultan Laçın