“Nəğd ödənişlər üçün “ƏDV geri al” layihəsi ləğv edilməlidir. Əvəzində kartla ödəniş üzrə nəzərdə tutulan faiz nisbəti 15-dən 25 faizə qaldırılmalıdır”.

Bunu Bizim.Media-ya açıqlamasında iqtisadçı ekspert Natiq Cəfərli artıq 3 ildən çoxdur davam edən “ƏDV geri al” layihəsində hansı dəyişikliklərə ehtiyac olduğu barədə danışarkən deyib:


“Nəğd ödənişlərə görə ƏDV-nin geri alınmasının məntiqi anlaşılan deyil. “ƏDV geri al” kampaniyasının əsas məqsədi ticarətin leqallaşdırılmasıdır. Bu isə qeyri-nəğd ödənişlərin artmasına xidmət etməli idi.

Ona görə də düşünürəm ki, bu layihədə nəğd alış üzrə həyata keçirilən ödənişlər ləğv edilməli, kartla ƏDV-nin geri alınması isə 15 faizdən 25 faizə qaldırılmalıdır. Bu daha doğru yanaşma olardı. Belə bir addımın atılması stimullaşmanı artıracaq. İnsanlar daha çox nəğdsiz ödənişlərə üstünlük verəcək. Bu da öz növbəsində ölkədə ticarətin leqallaşmasına səbəb olacaq”.